بنجمع إيه ونجمع ليه 

إحنا بنجمع حاجات أصلاً علشان نرضى رغبة وشغف جوانا بيحسسنا بمتعة وسلام داخلى حتى لو كانت حاجة كل الناس التانيين شايفين إنها هايفة مثلاً ناس بتجمع تذاكر القطر أو الأتوبيس أو المترو أو ليبلز منتجات مختلفة ناس بتحب تجمع المجسمات المصغرة للسيارات والقطارات والطيارات وصور مثلاً للحاجات دى أو أثار ومعالم تاريخية وممثلين وشخصيات كارتونية ، طبعاً التحف والأنتيكات من الحاجات اللى الناس ممكن تتفهم إنك بتجمعها على أساس إن الحاجة دى غالية وبتغلى مع الوقت لكن مثلاً الطوابع الناس بتستغرب جداً إنك شاغل نفسك بشوية الورق الملون دول وبتدفع فيهم فلوس وقاعد طول النهار ترتب فيهم وتتفرج عليهم وكمان الكوينز والبنكنوت ناس كتير شايفة إن جمعهم مالوش لزوم  لكن الخلاصة إننا بنجمع حاجات لإرضاء نفسنا وما يهمناش رأى الأخرين . 

ترحيب وتعريف

تتنوع الهوايات والإهتمامات وتختلف باختلاف الأشخاص ،  إذ أن ما يمكن أن نطلق عليه هواية هو تصرف أو إهتمام ملح يدفع الإنسان للإهتمام بشئ وينفق الكثير من الوقت والجهد والمال ولكن بسعادة غامرة بل ويسعى لذلك وكلما وصل لمرحلة تطلع للمرحلة التالية. 

وذلك يبدو واضحاً وجلياً فى هوايات الجمع والإقتناء مثل جمع الكتب والأعمال الفنية كاللوحات والتحف والطوابع والعملات وحتى السيارات والأجهزة الإليكترونية القديمة والحديثة .

سنتكلم بإذن الله فى هذه السلسلة عن مواضيع متعددة تخص هوايات الجمع بالذات وبالأخص جمع الطوابع والعملات وكروت البوستال والكتب وما إلى ذلك ، وفى المستقبل سأعمل على صياغة هذه الموضوعات كفيديوهات على اليوتيوب استكمالاً لما كنت بدأته على الفيس بوك فى مجموعتى طوابع مصرية 

https://www.facebook.com/groups/Egyptianstamps/?ref=share

وستكون الموضوعات متنوعة على هيئة خواطر ومعلومات متفرقة عن مختلف أقسام الهواية بحيث تكون فى النهاية ومع المتابعة مرجعاً سهلاً ومبسطاً لكل هاوٍ